Escola Santa Madalena de Canossa ho nia karakterístika hakarak eduka no forma ema (joven) atu sai ema nian an tomak. Tanba ne’e, fó importánsia boot, uluknanain ba ema nu’udar:
-
Individuál: Rekoñese nia an nu’udar ema (joven) mane ka feto ne’ebé ho nia dignidade a’as no folin-boot. Orgullu ho identidade nu’udar Timor-oan ne’ebé kaer metin nia kultura rasik, maske nakloke mós ba mundu globál.
-
Sosiál: Rekoñese relasaun di’ak ho ema seluk no ho kriasaun hotu (bem comum); ho sensu krítiku ba situasaun atuál no prontu atu fó kontribuisaun no transformasaun.
-
Transendentál: Haburas relasaun íntima ho Maromak; konsiente nafatin ba Maromak nia prezensa iha fatin hotu-hotu no iha meius oioin ne’ebé mós hato’o.
Visaun
Forma ema nia an tomak atu sai ema di’ak, ne’ebé fiar no hadomi Maromak ho maun-alin sira. Liu husi Edukasaun Nasionál no Katólika, forma ema atu sai tasak, nune’e bele moris di’ak, ativu, moris tuir kultura rai nian, no responsável iha Kreda no Nasaun.
Misaun
-
Hanorin: Liu husi disiplina sira ne’ebé hanorin, tulun alunu sira atu desenvolve sira-nia matenek ne’ebé iha ona, no hafóin sira ho informasaun kona-ba siénsia no desenvolvimentu teknolojia ne’ebé adapta tuir tempu.
-
Forma: Liliu forma alunu ida-idak nia fuan atu moris di’ak liu nu’udar ema sarani iha sosiedade no Kreda; forma sira-nia konsiénsia atu hatene hili buat ne’ebé di’ak no husik buat ne’ebé ladi’ak.
-
Eduka: Tulun alunu sira atu desenvolve sira-nia dom rasik, nune’e bele tulun an rasik no ema seluk iha sosiedade.
Objetivu
-
Haburas kapasidade intelektuál ne’ebé iha ona tuir departamentu/área ne’ebé sira hili (Siénsia Naturais no Siénsia Sosiál) hodi prepara sira ba futuru (Universidade).
-
Liu husi atividade ekstra-kurikulár, haburas alunu/a ida-idak nia abilidade (skills) hodi desenvolve an rasik no bele tulun fali ema seluk.
-
Tulun alunu/a ida-idak atu haburas sira-nia domin ba Maromak liu husi orasaun, Eukaristia, no frequenta sakramentu sira seluk.
-
Prepara no tulun alunu/a ida-idak atu deskobre sira-nia vokasaun rasik, nune’e bele servi di’ak liu tan Kreda no Nasaun tuir ida-idak nia profisaun.
-
Kuda iha alunu/a sira-nia laran Spíritu Canossianu nian no hametin relasaun família canossiana liu husi ikatan Antigu Alunu sira (ALUMNI).
